يمكن ضحكتك چذب
وتحاول إتغطّي
أو مو قصدك إتحب أبد
بس .. تاخذ أو تنطي
يمكن تضرني إبجرح!!!
أو يمكن جرح..يخطي
بس إمن أشوفك تمر
بعيوني أبوس السّما
وعيونك إتوطّي
* * *
عايش إبقربك قلق
ويمر نهارك ...خوف
إرموشك مشانق ورد
أو همسك صليل إسيوف
إيحز بيّ خيطك وأعت
أو شيگطعه خيطك صوف
متعلّگ آنه أبردن طيفك.. أو حيلي إنهد...
ويهزني صوتك......عوف
يغطس ثكيل البخت
والخاوي طبعه أيطوف......
مدّوا إبكفهم عسل
ما دنت نفسي صمت
وأنته أركضت ملهوف
السبت أغسطس 16, 2008 6:31 am
