قل هوالله احد امريكا طبعا خبلتنه وخبلت دمرت هذا البلد
وانه عوزي شويه واتخبل
بعد ساعه جننتو البقر وساعه نشله بالطيور
وساعه بقعه زيت اجتكم بالنهر وساعه حساسيه صارت بالبعير
والصخل قولون عنده وقرحه صارت بالحمير وشفنه انواع المصايب والبلاوي اخاف فد فتره
يجونا اتحذرو افلاونزه صارت بالعتاوي انتو شفتو الديج فد مره عطس وانتوهم شفتو هارتي نشف بلعومه
وانتو شفتو هايشه مسودنه وتركض تك رجل وانتو شفتو العجل
يركص صاير سويج العجل
والله بالقران حيره جربو كلشي علينه ولا زم نكمل المسيره
يطلع من حيره شعبنا ويدخل بلميون حيره
واخيرا هسه طلعولي فليم مال الكلوليرا
وبالكوليره الصحه طبعا خبلتنه
تحذرو من الكوليره هسه دخلت بالشمال كتل بااربيل سته 2 من عندهم جهال
مرض ما يعطيك عطوه
اتموت ما بيها مجال وصلت بتكريت هسه وهسه طبت بالفرع
اجت عل الخط السريع وشحت الادم شلعت
اخوان هذا المرض قاتل يعني قاتل ماكو جاره اتبعو شتكول الوزاره
ولو من الله الستر
جيبلك جدريه ماي وجيبلك حبه مقم
وفور الماي عل كيفك ساعه واتنزل الجدر وخلي يببرد ثلث ساعه
وثلث ساعه خلي يركد ودكله
كم حبه واخطبه جيبلك غشاوه غطه
وانتظر ساعه وكسر يعني اذابالصيف عطشان الظهر
واحد يسويالطريقه وابو جدك يسطر
خو اذا انت موظف
وملتهي وعندك شغل اترست اجيوبك حبوب
وشدلك براسك سطل وطاسه شدلك باحزام وحط برجلك بطل خاف تعطش بالطريق تشوفك حب وتشربه وتنجطل
ياجماعه خربطت كل الامور الصحه تحجي تكول اجاكم
والاامانه تكول زيدنا الكلور
جاي اشربه كلور الماي اشربه كلور بيه حتى بالتمن اكلور
يعني اذا تحليل اسوي يطلع الناتج معدتي صايره معمل للعطور
للشاعر رياض الواادي
السبت أغسطس 16, 2008 6:22 am
