اجيتك مستحي وبالكوه ادك الباب وعالخدين سالت دمعه مفضوحه وصلت الباب دارك واعثرت بالباب كد ماتعبتني الجيه والروحه غريب وعندي صعبه اهوايه طبة الدار وكبل جانت كبل بس الي مسموحه بجيت وصحت بسمك من وره الحيطان بكلب مكسور يشبه كسرة الوحه حبيبي بداعتي مر عالكلب خطار وبسجين عينك مزق اجروحه العالم تذبح الدمعه بضريح ايمام واني بحضرتك دمعاتي مذبوحه اني الجنت اجيك بضحكه من ابعيد اجيت بطرك دمعه وروحي مجروحه اجيتك واعتذر واعتب عليك اهواي واريد ارجع البيتي اذنوبي ممسوحه من دونك بلا فرحه وكصيره الايد واشوف الفرح يمي وايدي متلوحه حبيبي بعيني اشوفك جاهل زغيرون تمرجح واني كلبي يصير مرجوحه حبيبي امعاهدك واحلف كلام الله اليخونك حبيبي ايقشمر ابروحه
اليخونك حبيبي ايقشمر ابروحه
وتحياتي للجميع واتمنى تعجبكم
الجمعة أغسطس 22, 2008 3:51 pm
