اخذت من الحياة دروس..
وجرعت من الصبر موكاس جارع كوس
وموش طباع حربه اتلون بكل لون
ظليت اعله لوني وبفرد ملبوس
ماسويت شي اتعاتب انه عليه
البيه يعرك جيبني ويستحي الناموس
ولامديت ايدي للحجه الوجهين
ولا للكًـام اشوفه اعله الضمير ايدوس
نسفت الربع ظل فارغ الغربيل
وهو الغربيل جان من من الربع متروس
سمعت الها وكًـع والكًـال حيل
وياه ماسمعيت كًـالوا بالجذب محروس
وسمعت الها بعد مادج عليه الريش
ويدج الريش كًـالوا هالخبر ميؤوس
صفنت الفال روحي من الزغر لليوم
موطالعت النصيب بكل وكت منحوس
اغلكًـت بيبان سمعي وعركًـليت الروح
وطلعت السوالف كلها خارج قوس
قريت افكار ربعي من الألف للياء
ماواحد قريته وماطلع مدسوس ..
السبت أغسطس 16, 2008 6:40 am
